Trey Gunn

Trey Gunn
Trey Gunn spelar Warr-gitar med KTU på Tampere Jazz Happening i 2005
Fødd	13. desember 1960 (63 år)
Fødestad	Texas
Opphav	USA
Aktiv	1983 -
Sjanger	Eksperimentelt, kunstrock, jazz-fusion, progressiv rock, progressiv metal, verdsmusikk
Instrument	Warr-gitar, Chapman Stick, bandlaus bass, bass, gitarar, klaverinstrument
Tilknytte artistar	King Crimson, The Trey Gunn Band, Quodia, TU, KTU, UKZ
Verka som	Musikar

Trey Gunn (fødd 13. desember 1960) er ein amerikansk musikar, kjend som medlem av progrockbandet King Crimson frå 1994 til 2003, der han spelte Warr-gitar og Chapman Stick.

Han studerte i Guitar Craft hos grunnleggar Robert Fripp og spelte fleire gonger med Robert Fripp og League of Crafty Guitarists. Frå1988 til 1991 turnerte han på Chapman Stick med Toyah Willcox, Robert Fripp og Paul Beavis. I 1992 deltok han på ein turné i lag med David Sylvian og Robert Fripp, før han i 1994 vart med i King Crimson. Her var han del av ein «dobbel trio» der Tony Levin spelte bassinstrument i den andre «trioen». I 1997 vart King Crimson splitta opp i fleire mindre konfigurasjonar kalla ProjeKcts. Gunn og Fripp deltok på alle ProjeKcts-konsertane og innspelingane. Gunn forlet King Crimson i 2003.

Han har òg spelt med mange andre musikarar: Tool, Puscifer, Robert Fripp, Sean Malone og Gordian Knot, David Sylvian, Vernon Reid, John Paul Jones, Eric Johnson, den italienske songaren Alice, Azam Ali, Matt Chamberlain, Michael Brook, Bill Rieflin, David Hykes frå Harmonic Choir og mange fleire. Han har òg gjeve ut fleire soloalbum som Trey Gunn og som leiar av The Trey Gunn Band.

I 2003 grunnla Gunn multimediagruppa Quodia og i 2004 starta han og Pat Mastelotto eit samarbeid med Kimmo Pohjonen og Samuli Kosminen, og danna bandet KTU ut av TU og Kluster. I 2007 byrja han å spele med Eddie Jobson i gruppa UKZ.

Diskografi

Soloalbum

• Playing with Borrowed Time (1985)
• One Thousand Years (1993)
• The Third Star (1996)
• Raw Power (1999)
• The Joy of Molybdenum (2000)
• Live Encounter (2001)
• Road Journals (CD-ROM) (2002)
• Untune The Sky (CD/DVD) (2003)
• Music for Pictures (2008)
• Modulator (2010)
• I'll Tell What I Saw (2010)

Med King Crimson (utval)

• VROOOM (1994)
• THRAK (1995)
• THRaKaTTaK (1996)
• Deja VROOOM (DVD) (1999)
• The ProjeKcts (4CD Box Set) (1999)
• The ConstruKction of Light (2000)
• Level Five (2002)
• The Power to Believe (2003)
• Eyes Wide Open (DVD) (2003)

Med andre

• 1991 Ophelia's Shadow (med Toyah)
• 1991 Kneeling at the Shrine (med Sunday All Over the World)
• 1993 The First Day (med David Sylvian / Robert Fripp)
• 1993 Darshan (The Road To Graceland) (med David Sylvian / Robert Fripp)
• 1994 Damage: Live (med David Sylvian / Robert Fripp)
• 1994 Dream (med U. Srinivas & Michael Brook)
• 1995 Charade (med Alice)
• 1996 Cortlandt (med Sean Malone)
• 1999 Gordian Knot (med Gordian Knot)
• 1999 Zooma (med John Paul Jones)
• 1999 Birth of a Giant (med Bill Rieflin / Robert Fripp / Trey Gunn)
• 1999 The Repercussions of Angelic Behavior (med Bill Rieflin / Robert Fripp / Trey Gunn)
• 2005 TU (med TU)
• 2005 8 Armed Monkey (med KTU)
• 2006 Elysium for the Brave (med Azam Ali)
• 2007 V Is for Vagina (med Puscifer)
• 2007 The Arrow(CD/DVD) (med Quodia)
• 2007 Escape Plan (med Stretching Madness)
• 2008 Squeeze Me Ahead of Line (med The Season Standard)
• 2009 Quiver (med KTU)
• 2009 Down in Shadows (med N.y.X)
• 2010 Cocoon (med Inna Zhelannaya)
• 2011 Grace For Drowning (med Steven Wilson)

Kjelder

• Denne artikkelen bygger på «Trey Gunn» frå Wikipedia på engelsk, den 12. juni 2012.
  • Wikipedia på engelsk oppgav desse kjeldene:

Bakgrunnsstoff

• Heimeside